MAY MGA TUGTUGING HINDI KO MALIMOT


This Tagalog poem was written in the early 20th century by the prolific Filipino poet Jose Corazon de Jesus.


MAY MGA TUGTUGING HINDI KO MALIMOT


O may mga tugtog na nagsasalita,
malungkot na boses ng nagdaralita;
pasa-bahay ka na ay nagugunita’t
parang naririnig saanman magsadya.
Langitngit ng isang kaluluwang sawi,
panaghoy ng pusong nasa pagkalungi;
laging naririnig sa bawat sandali
ang lungkot ng tugtog na mapawi’y hindi.
Ikaw baga’y daing ng nakaligtaan?
Ikaw baga’y hibik ng pinagtaksilan?
Matutulog ako sa gabing kadimlan
ay umuukilkil hanggang panagimpan.
Oo, mayr’ong tugtog iyang mga b’yoling
tila sumusugat sa ating panimdim;
bawat isang tao’y may lihim na daing,
pinakakatawan sa b’yoling may lagim.
Sa lahat ng gabi sa aking pag-uwi,
kung ako’y hapo na na makitunggali,
ang bawat tugtugi’y kalulwa ng sawi
ako’y dinadalaw sa bawat sandali.
May isang tugtuging hindi ko malimot,
kinakanta-kanta sa sariling loob;
hiniram sa hangin ang lambing at lamyos,
awit ng ligayang natapos sa lungkot.

https://www.tagaloglang.com/may-mga-tugtuging-hindi-ko-malimot/

Mga Komento

Mag-post ng isang Komento

Mga sikat na post sa blog na ito

A Filipino Dream - My Spirit

A Filipino Dream - My Spirit which was written by poet Lei Strauss .   A Filipino Dream - My Spirit   I have a Filipino dream! Stop the war and wild loud of scream I have a dream not for myself. Not a selfish man who thinks of himself. I have a Filipino dream! Cease the pain of a poor at the stream. Three stars are united as one. My dreams and love are bounded as one. I have a Filipino dream! Be the best in our craft and one of the prim. Eight rays of sun symbolize hope. Filipinos will rise and reach the peak of slope. I have a Filipino dream! Rapidly admired coz we’re now the cream. I have a dream for my one country land. An endless peace and success for my one true land.     https://www.poetrysoup.com/poem/a_filipino_dream___my_spirit_645256  
Magbasa nang higit pa

ANG KANYANG MGA MATA

This short Tagalog poem was written by Clodualdo del Mundo. It was inspired by the Japanese haiku form. ANG KANYANG MGA MATA Dalawang bituing   kumikislap-kislap    sa gitna   ng dilim. . .   Tambal ng aliw   na sasayaw-sayaw   sa tuwing ako’y   naninimdim. . .   Bukang-liwayway ng isang pagsintang    walang maliw! Takipsilim   ng isang pusong    di magtataksil! https://www.tagaloglang.com/short-tagalog-love-poem/
Magbasa nang higit pa

SA TABI NG DAGAT

This famous Tagalog love poem was written by Ildefonso Santos in 1897.     SA TABI NG DAGAT   Marahang-marahang manaog ka, Irog, at kata’y lalakad, maglulunoy katang payapang-payapa sa tabi ng dagat; di na kailangang sapnan pa ang paang binalat-sibuyas, ang daliring garing at sakong na wari’y kinuyom na rosas! Manunulay kata, habang maaga pa, sa isang pilapil na nalalatagan ng damong may luha ng mga bituin; patiyad na tayo ay maghahabulang simbilis ng hangin, nguni’t walang ingay, hangganq sa sumapit sa tiping buhangin… Pagdating sa tubig, mapapaurong kang parang nanginigmi, gaganyakin kata sa nangaroroong mga lamang-lati: doon ay may tahong, talaba’t halaang kabigha-bighani, hindi kaya natinmapuno ang buslo bago tumanghali? Pagdadapit-hapon kata’y magbabalik sa pinanggalingan, sugatan ang paa at sunog ang balat sa sikat ng araw… Talagang ganoon: Sa dagat man, irog, ng kaligayahan, lahat, pati puso ay naaagnas ding marahang-marahan...
Magbasa nang higit pa